Татар китабы йортында Дәрдемәнднең иҗаты һәм тормыш юлына багышланган күргәзмә ачылды

Биредә Бакый Урманченың Дәрдемәнд шигырьләренә иллюстрацияләре дә куелган.

(Казан, 23 октябрь, «Татар-информ»). 20 октябрьдә Татар китабы йортында Дәрдемәнднең иҗатына һәм тормыш юлына багышланган «Видагъ» дигән күргәзмә ачылды.

Татар китабы йорты хәбәр иткәнчә, Дәрдемәнд шәхесенә багышланган соңгы күргәзмәдән соң 12 ел вакыт узган. Көндәлек тормышта аның ядкарьләрен, уникаль әйберләрен күрү мөмкинлеге юк.

Бакый Урманченың Дәрдемәнд шигырьләренә иллюстрацияләре күргәзмәнең бер бизәге булып тора, диелә хәбәрдә.