Пенза өлкәсенең "Былбылым" татар халык ансамбле оешуына 30 ел булган

Иҗади коллективка татар милли мохтариятенең Рәхмәт хатлары һәм бүләкләр тапшырылды.

(Казан, 23 октябрь, "Татар-информ"). Пенза өлкәсенең "Былбылым" татар халык ансамбле оешуына 30 ел булган. Бу хакта Бөтендөнья татар конгрессы матбугат хезмәте хәбәр итә.

"Былбылым" ансамбле - Пенза өлкәсенең энҗе бөртеге. Матур кызлар, җырлар, матур татар теле һәм костюмнар. Үз иҗатлары белән алар татар халкының милли традицияләрен һәм гореф — гадәтләрен саклыйлар", - ди ансамбльне юбилее белән котларга килүчеләр.

Иҗади коллективка татар милли мохтарияте Рәхмәт хатлары һәм бүләкләр тапшырылды.