Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Сәнгать әһелләре Башкорт опера һәм балет театрына Нуриев исемен бирүне сораган
Башкортстан Республикасы башлыгы Радий Хәбиров тәкъдиме белән опера һәм балет театрына Рудольф Нуриев исемен бирү буенча тавыш бирү бара.
(Казан, 23 гыйнвар, «Татар-информ»). Башкортстанда яшәүчеләр Башкорт дәүләт опера һәм балет театрына Рудольф Нуриев исемен бирү буенча тавыш бирә башлаганнар. Тавыш бирү тәкъдиме белән республика башлыгы Радий Хәбиров чыккан.
«Миңа республиканың күренекле мәдәният әһелләре мөрәҗәгать итте. Алар Башкорт дәүләт опера һәм балет театрына Рудольф Нуриев исемен бирүне сорыйлар. Рудольф Нуриев безнең мәдәниятнең иң якты шәхесләренең берсе. Әмма мин моны республика халкы белән киңәшмичә, үзем генә хәл итә алмыйм, бу дөрес булмас иде. Тавыш бирегез һәм фикерләрегезне җиткерегез», — дип яза Радий Хәбиров социаль челтәрдәге битендә.
Хәзерге вакытта тавыш бирүләр бара.
Рудольф Нуриев – дөньякүләм танылган балет биючесе, аны замандашлары “канатлы татар” дип атаганнар.
Рудольф Нуриевның балачагы Уфада үткән. Биредә ул Ленинград хореография училищесына кергәнчегә кадәр яшәгән. Башкорт хореография көллияте Рудольф Нуриев исемен йөртә Башкорт дәүләт опера һәм балет театрының балет сәнгате фестиваленә дә Рудольф Нуриев исеме бирелгән.
Казанда мәшһүр биючегә һәйкәл куелды. Җәлил исемендәге Татар дәүләт академия опера һәм балет театрында халыкара балет фестивале Рудольф Нуриев исемен йөртә.
Кызыклы яңалыкларны күзәтеп бару өчен Телеграм-каналга язылыгыз