Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ирада Әюпова урам артистлары эшчәнлеген җайга салу буенча үз фикерен белдерде
Урам артистлары эшчәнлеген җайга салу идеясен министр өч сәбәп өчен хуплый.
(Казан, 22 сентябрь, «Татар-информ», Лилия Шәйхетдинова). Татарстанның мәдәният министры Ирада Әюпова «Татар-информ» агентлыгының баш мөхәррире Ринат Билаловка биргән интервьюсында урам артистларының эшчәнлеген тормышка ашыруга карата Казан Мэриясе билгеләнгән яңа кагыйдәләр турында үз фикерен әйтте.
«Бу мәсьәләнең тиз хәл ителәчәгенә шикләнәм, чөнки җәмгыятьнең һәм мәдәниятнең хокукый нигилизмны хуплый торган билгеле бер пласты бар. „Мин акча таләп итмим, димәк беркемгә дә берни дә тиеш түгелмен“, — дип саный алар. Монда бик күп нюанслар һәм нечкәлекләр бар, аларны бик сак кына җайга салырга кирәк», — диде министр.
Урам артистлары эшчәнлеген җайга салу идеясен министр өч сәбәп өчен хуплый.
«Беренчедән, әгәр ниндидер эшчәнлек рәсми дәрәҗәдә җайга салынмый икән, аны шәхси затлар көйли башлый һәм еш кына бу алымнар „үтә күренмәле“ дә булмый. Икенчедән, репертуар авторлык хокукларын саклау буенча закон таләпләренә туры килергә тиеш. Өченчедән, урам артистлары арасында конфликтлар, шәһәр урамнарында какофония барлыкка килмәсен өчен мәйданчыклар регламентациясе булырга тиеш», — дип саный министр.
Әмма теләсә нинди артык прессинг латент күренешләр килеп чыгуны арттыра, диде министр. «Урам артистларын аларның эшчәнлекләрен җайга салуны – иҗатларын тыю ысулы түгел, ә аларны һәм тирә-юньдәгеләрне хокукый дәрәҗәдә яклау алымы икәненә ышандырырга кирәк. Дәүләтнең төп миссиясе шуның белән бәйле», — диде Ирада Әюпова.
Кызыклы яңалыкларны күзәтеп бару өчен Телеграм-каналга язылыгыз