Тинчурин театрының легендасы Исламия Мәхмүтова юбилеен премьера белән каршылады

Спектакльдән соң юбилярны котлаулар булачак.

(Казан, 21 декабрь, "Татар-информ", Рузилә Мөхәммәтова). Тинчурин театрында легендар актриса Исламия Мәхмүтованың юбилее хөрмәтенә "Син бит минем бергенәм" спектакленең премьерасы бара.

Спектакльне үз пьесасы буенча Татарстанның халык, Россиянең атказанган артисты Исламия Мәхмүтова үзе яңартып куйган.

Сәхнә әсәренең нигезендә Чечня сугышында һәлак булды дип саналган егетнең исән-сау авылына әйләнеп кайтуы ята.

Спектакльдә Исламия Мәхмүтованың кызы Лилия Мәхмүтова һәм кияве Ренат Шәмсетдинов катнаша.

Спектакль аншлаг белән бара. Спектакльдән соң юбилярны котлаулар булачак.