Рифат Фәттахов "Яңа татар җыры" конкурсы үткәрергә тәкъдим итте

Рифат Фәттахов татар эстрадасында репертуар мәсьәләсенең кискен торуын ассызыклады.

(Казан, 20 декабрь, "Татар-информ", Рузилә Мөхәммәтова). Танылган продюсер Рифат Фәттахов "Яңа татар җыры" конкурсы үткәрергә тәкъдим итте. Бу хакта ул Рәшит Ваһапов мәдәниятне үстерү фондының 2018 елны йомгаклау матбугат конференциясендә әйтте.

Рифат Фәттахов татар эстрадасында репертуар мәсьәләсенең кискен торуын билгеләп үтте.

Халык шагыйре, Ваһапов фондының кайгыртучылар советы рәисе Разил Вәлиев репертуар мәсьәләсен тәртипкә салу өчен Хәсән Туфан, Роберт Әхмәтҗанов һәм башка күренекле шагыйрьләргә игътибар итү кирәклеген әйтте.

"Мин әле үзем дә язам, җыр булырлык җырлар язам", - диде Разил Вәлиев. Ул бүгенге яшь буын шагыйрьләренә дә зур өметләр баглады,