Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның өч спектакле катнашкан «Поехали!» гастроль проекты старт ала
Сигез бәйсез театр Россиянең дүрт шәһәрендә унтугыз спектакль күрсәтәчәк.
(Казан, 19 октябрь, «Татар-информ», Рузилә Мөхәммәтова). Казанда, Мәскәүдә, Калуга һәм Түбән Новгородта «Поехали!» гастроль проекты старт ала. Әлеге шәһәрләрдә MOÑ театр мәйданчыгының өч спектакле — 5 ММ/Н, «Моң» һәм «Һава» күрсәтеләчәк.
Бүген оештыручылар журналистларга хәбәр итүенчә, проект кысаларында илнең сигез бәйсез театры әлеге шәһәрләрдә үз спектакльләрен тәкъдим итә. Казанда спектакльләр MOÑ театр мәйданчыгында күрсәтеләчәк.
«Проектның концепциясе — бүгенге көн театрын тәкъдим итү. Проект тамашачыны заманча күпкырлы театр белән таныштыра», — дип ассызыклады Мейерхольд исемендәге үзәк директоры Елена Ковальская.
Проектта «театр post» (Санкт-Петербург), «Pro Art’s» (Калуга), ЦТМ (Түбән Новгород), «Хронотоп» вакытлы берләшмәсе (Санкт-Петербург — Мәскәү), MOÑ театр мәйданчыгы (Казан) «Июльансамбль» театр компаниясе (Мәскәү) катнаша.
«Җиде елга сузылган эшчәнлегебез эшебезнең нәтиҗәлелеген күрсәтте. Шушы шатлыгыбызны башкалар белән дә уртаклашасыбыз килә. Без гастроль проектының финанс операторы, ә безнең мәйданчыгыбыз бөтен Россия театрларын кабул итүче», — диде «Живой город» фондына нигез салучыларның берсе Инна Яркова.
Масштаблы проект 19 спектакльне үз эченә алган.
Проект Россия Президенты грантлары фонды ярдәмендә тормышка ашырыла. Оештыручылар аны даими итү турында хыяллана.
Кызыклы яңалыкларны күзәтеп бару өчен Телеграм-каналга язылыгыз