Кытай телекомпаниясе Чаллыда фильм төшерергә җыена

Әлеге фильмны Россия һәм Кытайда күрсәтәчәкләр.

(Чаллы, 19 октябрь, "Татар-инорм", "Шәһри Чаллы"). Кытайның ССТV үзәк телевидениясе Чаллы һәм көнкүреш техникасы җитештерүче Haier заводы турында фильм төшерә, дип яза җирле басма.

Аның кысаларында компания җитәкчеләре Haiеr заводы турында тулырак сөйләячәкләр. "Ни өчен бу завод Чаллыда ачылган?" дигән сорауга да җавап бирәчәкләр. Шулай ук, башкарма комитетның ТОСЭР башлыгы урынбасары Элдар Тимергалиев белән дә әңгәмә үткәрәчәкләр.

Әлеге фильмны Россия һәм Кытайда күрсәтәчәкләр. Беренче чиратта, Кытайлылар безнең шәһәрне бизнес үзәге буларак тәкъдим итәчәкләр.