“Хәзинә” милли галереясе Бакый Урманче сәнгать әсәрләрен тәкъдим итә

Әлеге күргәзмәдә әдипнең моңа кадәр Казанда күрсәтелмәгән эшләре дә урын алачак.

(Казан, 19 октябрь, "Татар-информ"). 25 октябрьдә Казан Кремлендә урнашкан “Хәзинә” милли галереясе монументаль һәм декорацион сәнгать остасы, күренекле рәссам Бакый Урманченың рәсем, скульптура һәм графика сәнгате эшләрен тәкъдим итә. Күргәзмздә Казан, Мәскәү, Әлмәт музейлары һәм шәхси коллекцияләрдән 200ләп сәнгать әсәре куелачак.

Әлеге күргәзмәдә әдипнең моңа кадәр Казанда күрсәтелмәгән эшләре дә урын алачак. 

Рәссамның язмышы Казан, Мәскәү, Казахстан, Үзбәкстан белән бәйле.  Урманче шуңа да ул җирләрнең искиткеч матурлыгын, андагы кешеләрне тарихта калырлык итеп сурәтләгән.