Әхсән Фәтхетдинов музеенда Түбән Кама рәссамнары күргәзмәсе ачыла

https://tat.e-nkama.ru/news/754/92147/

(Казан, 19 сентябрь, «Татар-информ»). 24 сентябрьдә, 15.00 сәгатьтә Түбән Камада җирле рәссамнарның «Көзге вернисаж» традицион күргәзмәсе ачыла. Бу турыда Түбән Кама муниципаль районы рәсми сайтында хәбәр ителә.

Күргәзмә 24 сентябрьдән 24 октябрьгә кадәр Кама яр буендагы музейда уза.Вернисажда утыздан артык рәссам катнаша, танылган рәссамнар белән беррәттән яшь авторлар да үз иҗат җимешләрен тәкъдим итәчәк.

Әхсән Фәтхетдинов музее һәр атнаның сишәмбе-шимбә көннәрендә 10-18 сәгатьләрдә эшли. Ачылу көнендә күргәзмә бушлай, калган көннәрдә билет бәяләре  40-100 сум булачак.