Әскәр Абдразаковка «Россиянең атказанган артисты» исеме бирелде

Башкорт операсы сәхнәсендә Әскәр Абдразаков Жюль Массненың «Дон Кихот» операсын куйды.

(Казан, 19 май, «Татар-информ»). Россия Президенты Владимир Путин Башкорт опера һәм балет театрының сәнгать җитәкчесе, Башкортстанның халык артисты Әскәр Абдразаковка «Россиянең атказанган артисты» исемен бирү турындагы указны имзалады. Бу хакта «Башинформ» хәбәр итә.

Документта опера җырчысы «Россия Федерациясе Президенты эшчәнлеген тәэмин итүгә зур өлеш керткән һәм күпьеллык намуслы хезмәте өчен» лаек булуы әйтелә.

16 майда Башкорт операсы сәхнәсендә Әскәр Абдразаков үзенең режиссерлык дебюты — Жюль Массненың «Дон Кихот» операсын тәкъдим итте һәм анда төп партияне башкарды.