Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә мәдәни кыйммәтләрне эзләү һәм кире кайтару буенча махсус структура төзеләчәк
Бүлекчә «РОСИЗО» дәүләт музей-күргәзмә үзәге каршында 2020 елның башында оештырылачак.
(Казан, 19 гыйнвар, «Татар-информ»). Россиядә Бөек Ватан сугышы елларында югалган мәдәни кыйммәтләрне эзләү һәм кире кайтару белән шөгыльләнә торган структур бүлекчә барлыкка киләчәк. Бу хакта ТАСС агентлыгы РФ Мәдәният министрлыгының музейлар департаменты директоры Владислав Кононовның гаризасына сылтама белән хәбәр итә.
Бүлекчә «РОСИЗО» дәүләт музей-күргәзмә үзәге каршында 2020 елның башында оештырылачак. Әлеге бүлекчәнең төзелүе Польша Тышкы эшләр министрлыгыннан (анда Россиядәге кайбер сәнгать әйберләренә дәгъва кылалар) килгән хәбәр белән бәйле.
«РФ Мәдәният министрлыгында әлеге мәдәни кыйммәтләр – Россия Федерациясе байлыгы дигән фикердә торалар. Өстәвенә, Бөек Җиңүнең 75 еллыгы уңаеннан «РОСИЗО» дәүләт музей-күргәзмә үзәге каршында махсус структур бүлекчә төзелде. Ул Бөек Ватан сугышында югалган мәдәни кыйммәтләрне эзләү белән шөгыльләнәчәк», - диде Владислав Кононов.
Элегрәк күп кенә музейлар мондый мәсьәләләрне хәл итү белән мөстәкыйль рәвештә шөгыльләнә иде. Әйтик, музейлар аукционнарда югалган сәнгать әйберләрен табып, аларны сатып алган очраклар да булды. Хәзер исә бу эш системалы рәвештә алып барылачак.
Кызыклы яңалыкларны күзәтеп бару өчен Телеграм-каналга язылыгыз