Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ташкентта «Сөмбел» фильмының премьерасы булды
Фильм үзбәк киносы атналыгы кысаларында узды.
(Казан, 18 гыйнвар, «Татар-информ»). Ташкент шәһәренең Яшьләр иҗат сараенда «Сөмбел» тулы метражлы нәфис фильмының премьерасы булды.
Бу хакта Татарстан Республикасының Үзбәкстан Республикасындагы Даими вәкиллеге матбугат хезмәте хәбәр итә.
Әлеге фильм — Татарстан һәм Үзбәкстанның уртак иҗат җимеше. Картинаның режиссеры — Рәшит Маликов, ә Татарстан ягын режиссер Рамил Фазлыев (ул «Мулла» фильмы белән танылды) тәкъдим итә.
Картина язучы Зифа Кадыйрованың «Сагынырсың – мин булмам» дигән әсәренә нигезләнеп төшерелгән. Фильмга сценарийны Габдулла Кариев исемендәге Татар дәүләт яшь тамашачы театры актеры, Татарстанның халык артисты Илфат Камалиев язган.
Картинада төп рольне - Үзбәкстан Дәүләт Яшьләр театры актрисасы Сабина Әсәнова, ике төп ир-ат ролен Татарстан актерлары башкара. Фильм Үзбәкстанда (Бохара шәһәре) һәм Татарстанның Мамадыш районында төшерелгән.
2020 елның декабрь башында әлеге фильм Казанда Үзбәк киносы көннәре кысаларында тәкъдим ителгән иде.
Кызыклы яңалыкларны күзәтеп бару өчен Телеграм-каналга язылыгыз