Габдулла Тукай исемендәге Татар дәүләт филармониясендә карантин игълан ителде

Коронавирус таралу куркынычы янау сәбәпле, Татарстанда 15 апрельгә кадәр махсус санитар-эпидемиологик режим кертелде, ул массакүләм чараларны күчерүне күздә тота.

(Казан, 17 март, «Татар-информ»). Казанда Габдулла Тукай исемендәге Татар дәүләт филармониясендә коронавирус таралу куркынычы янау һәм республикада 15 апрельгә кадәр кертелгән махсус санитар-эпидемиологик режим таләпләрен үтәү сәбәпле, карантин игълан ителде. Бу хакта филармониянең матбугат хезмәте хәбәр итә.

Шулай итеп, Габдулла Тукай исемендәге Татар дәүләт филармониясендә 19 марттан 15 апрельгә кадәр карантин кертелде.

Коронавирус таралу куркынычы янау сәбәпле, республикада 15 апрельгә кадәр махсус санитар-эпидемиологик режим кертелде, ул массакүләм чараларны күчерүне күздә тота.