Уфа тарихы турында фильм төшерү өчен Россия Президенты гранты бирелә

Фильм Уфа кинотеатрларында һәм интернет челтәре аша күрсәтеләчәк.

(Казан, 17 гыйнвар, «Татар-информ»). Уфа журналистының «Уфа – хезмәт батырлыгы шәһәре» дигән документаль фильм төшерү проекты Россия Федерациясе Президенты Владимир Путинның 2021 елда гражданнар җәмгыятен үстерүгә юнәлдерелгән грантын откан. Бу хакта «Башинформ» агентлыгы хәбәр итә.

Проект «Башкортстан Республикасы Иҗтимагый палатасы аппараты» дәүләт казна учреждениесе Ресурс үзәге каршында Башкортстан Журналистлар берлеге линиясе буенча Россия Президенты Грантлары бәйгесенә юнәлдерелгән.

Техник тасвирламасы нигезендә, фильм Уфа кинотеатрларында һәм интернет челтәре аша күрсәтеләчәк, диелә хәбәрдә.