Дүрт татар язучысына дүрт әдәби премия тапшырылды - исемлек

Татарстан Язучылар берлегенең Әдәби ел йомгакларына багышланган гомуми җыелышы "Казан" милли-мәдәни үзәгендә бара.

(Казан, 16 декабрь, "Татар-информ, Рузилә Мөхәммәтова). Татарстан Язучылар берлегенең дүрт әдәби премиясе бүген дүрт татар язучысына тапшырылды. Премияләрне Татарстан Мәдәният министрының беренче урынбасары Эльвира Камалова тапшырды.

Габдулла Тукай исемендәге дәүләт премиясе лауреаты Мәдинә Маликова Гаяз Исхакый исемендәге әдәби премиясенә лаек булды. Язучы Госман Гомәргә Фатих Хөсни премиясе тапшырылды. 85 яшен тутырган язучы Лирон Хәмидуллин Җамал Вәлиди исемендәге премиясе бирелде. Моннан ике ел элек кенә гамәлгә куелган
Туфан Миңнуллин исемендәге премия драматург Рәдиф Сәгъдигә тапшырылды.

Татарстан Язучылар берлегенең Әдәби ел йомгакларына багышланган гомуми җыелышы "Казан" милли-мәдәни үзәгендә бара.