Казанда танылган тенор тавышлы җырчылар чыгыш ясаячак

18 октябрьдә С.Сәйдәшев исемендәге Зур дәүләт концерт залында Казанның музыка сөючеләренә “Мәхәббәттә аңлашу” исемле гала-концерт программасы тәкъдим ителә
(Казан, 16 октябрь, “Татар-информ”). 18 октябрьдә С.Сәйдәшев исемендәге Зур дәүләт концерт залында Казанның музыка сөючеләренә “Мәхәббәттә аңлашу” исемле гала-концерт программасы тәкъдим ителә. Кичәдә өч башкаручы – тенор тавышлы Михаил Акименко, Алехандро Олмедо һәм Давид Гвинианидзе чыгыш ясаячак.
Михаил Акименко - Румыния Милли операсының баш солисты. Алехандро Олмедо – Мехико Опера театры солисты һәм “Метрополитен-опера”сының алдынгы башлап җибәрүчесе. Музыка дөньясында ул күренекле җырчылар – Пласидо Доминго һәм Хосе Каррерас белән бергә чыгыш ясагач таныла.
Давид Гвинианизде исә – Мәскәүдәге “Геликон опера” һәм “Яңа опера” театрлары солисты. Ул шулай ук “Тенор тавышлылар йолдызлыгы”, “Бас тавышлылар парады”, “Тенор һәм бас тавышлылар дуэле”, “Тенор, баритон һәм бас тавышлылар ярышы” программаларының сәнгать җитәкчесе дә. Әлеге мәгълүматны С.Сәйдәшев концерт залының концертлар бүлегеннән бирделәр.