Красновидово музеенда җитенгә багышланган чара үткәрелде

Тукылган эшләнмәләр белән танышу мөмкинлеге булды

 (Казан, 15 сентябрь, “Татар-информ”). Кама Тамагы районының Красновидово музеенда җитенгә багышланган чара үтте.

Анда музей хезмәткәрләре элек заманнарда халык көнкүрешендә җитен һәм арышның аерым урын алып торганлыгы хакында сөйләде. Җитен игү һәм аны эшкәртү нечкәлекләрен искә төшерде. Әлеге чарага килүчеләр музей экспонатлары арасында тукылган сөлгеләр һәм башка әйберләр белән танышты, дип белдерә “Идел таңнары” газетасы.