Ульяновскида узачак Федераль Сабантуйның көне билгеле

Ульяновскида Бөтенроссия татар мәдәнияте бәйрәме 2022 елның 18 июнендә узачак.

(Казан, 14 сентябрь, «Татар-информ»). Ульяновскида Федераль Сабантуй 2022 елның 18 июнендә узачак.

Бүген, 14 сентябрьдә, Ульяновск өлкәсенең Хөкүмәт йортында 2022 елда XXI Федераль Сабантуйга әзерләнү һәм үткәрү буенча оештыру комитетының утырышы узды.

Җыелышта Ульяновск өлкәсе Губернаторы вазифаларын вакытлыча башкаручы Алексей Русских һәм Татарстан Республикасының Премьер-министр урынбасары, Бөтендөнья татар конгрессының Милли Шура рәисе Васил Шәйхразиев катнашты. Бу хакта Бөтендөнья татар конгрессы сайты яза. 

Очрашу барышында милли татар бәйрәменә әзерләнүнең төп мәсьәләләре һәм аларны финанс ягыннан тәэмин итү тикшерелде.