Чирмешәннең яшь җырчылары Туапседа җырлый

Казанда узган “Йолдызлар симфониясе” икенче Халыкара конкурс-фестивалендә катнашып лауреат булган кызлар “Яхшыдан - яхшы” проекты финалына чакыру алды

(Чирмешән, 12 июль, "Татар-информ", "Безнең Чирмешән", Кадрия Гамирова). Чирмешән районы мәдәният йортының вокал буенча педагогы Әлфия Закированың укучылары - Рузилә Булатова, Айнур Галләмов, Гөлназ Гатиналар 10-16 июльдә Туапсе шәһәрендә дә үзләрен сынап караячак, дип яза җирле басма.

Казанда узган “Йолдызлар симфониясе” икенче Халыкара конкурс-фестивалендә катнашып лауреат булган якташларыбыз “Яхшыдан - яхшы” проекты финалына чакыру алды, диелгән район хәбәрендә.