Әлмәттә XVIII гасыр сервизларын халыкка тәкъдим итәләр

Әлмәт картиналар галереясында үзенчәлекле күргәзмә ачылды.
(Казан, 11 сентябрь, "Татар-информ", "Әлмәт таңнары"). Әлмәттә XVIII гасыр сервизларын халыкка тәкъдим иттеләр, дип хәбәр итә район басмасы.  Әлмәт картиналар галереясында үзенчәлекле күргәзмә ачылды. Ул "Императорский фарфоровый завод"ның 275 еллыгы уңаеннан уза. Шуңа да исеме "Еллар аша сәнгать" дип атала.  Биредә музей коллекциясендәге XVIII-XX гасырлар репликасы, хәзерге чор рәссамнары һәм завод скульпторлары әсәрләре куелган. Чәй сервизлары, бүлмәләрне бизәү өчен фарфор эшләнмәләр, Совет чоры фарфорыннан тыш, заводның фирмалы сервизларын да күрергә була.  Күргәзмә шәһәрдә 31 октябрьгә кадәр эшләячәк.