Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Башкортстанның яшь артистлары башкорт теленә багышланган клиплар төшерәчәк
Клипларны җәй көне төшерәчәкләр һәм сентябрьдә эфирга чыгара башлаячаклар.
(Казан, 10 июль, «Татар-информ»). Башкорт теле елында республиканың яшь артистлары клиплар сериясе төшерәчәк. Бу хакта Бөтендөнья башкорт корылтае утырышында «Аргымак» төркеме лидеры, танылган артист Ринат Рамазанов әйтте дип яза «Башинформ».
Проектта Фәйзи Гаскәров исемендәге Халык бию ансамбле солисты Миләүшә Хәйбуллина, Zainetdin шоу-проекты, рэпер Алтынай Вәлитов, Васил Гафаров җитәкчелегендәге «Бишбармак» оркестры, Булат DJ Хан, E7E-media студиясе һәм башкорт шоу-бизнесының башка вәкилләре катнашачак.
«Безнең яшьләр клиплар сериясе ясарга әзерләнә. Һәр музыкаль трек башкорт теленә багышланачак. Безнең календарь план бар: җәй көне төшерәчәкбез, сентябрьдән клиплар эфирга чыга башлаячак», — дип сөйләде Ринат Рамазанов.
Ул барлык катнашучыларның да инстаграм аккаунтларында язылучыларның күп булуын, кызыклы максатчан аудитория җыелуын әйтте.
Барлык клипларны да 14 декабрьдә Башкорт теле елына йомгаклар ясалачак зур чарада тәкъдим итү планлаштырыла.
Кызыклы яңалыкларны күзәтеп бару өчен Телеграм-каналга язылыгыз