«Отряд Таганок» бу ялларда Россиядәге иң яхшы 20 фильм исемлегенә керде

Фильмны прокатның дүрт көнендә җиде меңнән артык кеше караган.

(Казан, 10 март, «Татар-информ»). Язучы һәм драматург Мостай Кәрим повесте буенча «Отряд Таганок» фильмы ял көннәрендә Россиядәге иң яхшы 20 фильм исемлегенә керде

«Башинформ» хәбәр итүенчә, режиссер Айнур Әскәров картинасы прокатның дүрт көне эчендә бөтен Россия буенча тамашачылар мәхәббәтен яулаган. Ял көннәрендә фильм үзенең беренче миллион сумын җыйган, ә аны җиде меңнән артык кеше караган.

Кинозалларда фильмнар күрсәтү турындагы федераль мәгълүмат системасы мәгълүматлары буенча, мондый популярлык «Отряд Таганок» фильмына ил буенча Топ-20 прокатына эләгергә мөмкинлек биргән.