Манзарас авылында төшерелгән фильмны Казанда кинофорумда карап булачак

Ул X Халыкара мөселман киносы фестивале кысаларында тәкъдим ителә

 (Казан, 9 сентябрь, “Татар-информ”). Әтиле-уллы Заһид Мәхмүди һәм Фәнис Камал тарафыннан Кукмара районы Манзарас авылында төшерелгән “Ломбард” фильмын 11 сентябрьдә сәгать көндезге 3тә Казанның “Халыклар дуслыгы” йортында ( Павлюхин урамы, 57) карап булачак.

Әлеге иҗат эше X Халыкара мөселман киносы фестивале кысаларында Татарстаннан бердәнбер нәфис фильм буларак күрсәтеләчәк, дип хәбәр итә районның “Хезмәт даны” басмасы.

Аерым алганда, әлеге кинофорум программасында "Ломбард"ның авторы буларк Фәнис Камал теркәлгән, 119 минутлык әлеге фильм "В поисках света" дигән конкурстан тыш программа кысаларында күрсәтелә. Керү - ирекле.