Татарстанның халык артисты Александр Купцов белән хушлашу вакыты билгеле

Гражданнар җеназасы шимбә көнне Казан яшь тамашачы театрында 9дан 11 сәгатькә кадәр узачак.

(Казан, 7 ноябрь, «Татар-информ»). Казан яшь тамашачы театрының әйдәп баручы актеры, Россиянең атказанган артисты, Татарстанның халык артисты Александр Купцов белән хушлашу 9 ноябрьдә, 9дан 11 сәгатькә кадәр театр бинасында узачак. Бу хакта «ВКонтакте» социаль челтәрендәге Яшь тамашачы театры төркемендә хәбәр ителә.Шул ук көнне артистны Казанның Салмачы бистәсендәге зиратта җирлиләр. Александр Купцов кичә, 6 ноябрьдә, «Маленький принц» спектакле тәмамланганнан соң вафат булган. Ул анда Король ролен башкарган. 65нче яшендә булган актер 1979 елдан башлап Казан дәүләт яшь тамашачы театрында хезмәт иткән.