Башкортстанда Милли костюм көнен билгеләп үтәчәкләр

Бәйрәм халык традицияләре, тарих һәм мәдәнияткә мөрәҗәгать итәргә мөмкинлек бирә.

(Казан, 6 апрель, «Татар-информ»). 16 апрельдә Башкортстан Республикасында Милли костюм көнен билгеләп үтәчәкләр.

«Башинформ» агентлыгы хәбәр иткәнчә, бәйрәм тагын бер тапкыр халык традицияләре, тарих һәм мәдәнияткә мөрәҗәгать итәргә мөмкинлек бирә. Республика халык иҗаты үзәге әлеге истәлекле датага багышланган чаралар үткәрә. Үзәкнең социаль челтәрләрендә «Дуслык биюе» дигән акция игълан ителә. Теләгән һәркемне анда катнашырга чакыралар. Моның өчен төрле милли киемнәрдән 2-3 минут дәвам иткән бию композициясе башкарырга кирәк. Видеоролик социаль челтәрләрдә урнаштырылачак.