Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Уфада йорт фасадларында Мостай Кәрим әсәрләре мотивлары буенча граффити пәйда булачак
Бәйгедә катнашу өчен 15 августка кадәр «Созвездие» Балалар иҗат үзәгенә сеntr-sozvezdiе@mail.ru электрон адресы буенча заявка һәм эскиз җибәрергә кирәк.
(Казан, 5 август, «Татар-информ»). Уфада 130нчы мәктәп янында сквер төзү дәвам итә. Мостай Кәрим әсәрләре мотивларына нигезләнгән граффити аның соңгы штрихы булыр дип көтелә. Граффити сквер тирәсендәге учреждение фасадларында пәйда булачак.
«Башинформ» агентлыгы хәбәр иткәнчә, кешеләр граффитиның үз вариантын тәкъдим итә ала. Бәйгедә катнашу өчен 15 августка кадәр «Созвездие» Балалар иҗат үзәгенә сеntr-sozvezdiе@mail.ru электрон адресы буенча заявка һәм эскиз җибәрергә кирәк.
Эскиз карандаш, буяу, фломастер, балавызлы акбур, гельле каләм, күмер, тушь белән ясалырга һәм фотосурәттә чагылыш табарга тиеш. Тематикасының сквер концепциясенә каршы килмәве шарт.
Эшләр бәйгенең максатлары һәм бурычларына туры килүе, авторның тема һәм аның ачылышына карата шәхси мөнәсәбәте, идеянең оригинальлеге, сәнгати күнекмәләр һәм тәэсир итүчәнлек кебек критерийлар буенча бәяләнәчәк.
Конкурста мәктәпкәчә яшьтәге (кече яшьтәгеләр төркеме), 7-11 һәм 12-18 яшьлек балалар катнаша ала. Бәйгегә 17 августта нәтиҗә ясалачак.
Кызыклы яңалыкларны күзәтеп бару өчен Телеграм-каналга язылыгыз