"Татар-информ" "Җилкәнсезләр" спектаклен онлайн күрсәтә

Спектакль Камал театрында соңгы мәртәбә күрсәтелә.

 (Казан, 5 июнь, "Татар-информ"). Бүген, 5 июньдә 19.00 сәгатьтә Г.Камал исемендәге Татар дәүләт Академия театрында режиссер Г.Цхвирава сәхнәләштергән К.Тинчуринның "Җилкәнсезләр" спектакле соңгы мәртәбә уйнала. Спектакльне "Татар-информ" мәгълүмат агентлыгы онлайн күрсәтәчәк.

Трансляцияне карау өчен сылтама: tatar-inform.tatar/internet-tv/219/

Татар милләтенең үз юлын саулавы хакындагы әлеге тарихи драма 24нче мәртәбә уйналачак.