Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөслимдә яңа паркта 2 мең машинага исәпләнгән урын булдырылган
Биредә туйлар, мәҗлесләр үткәрү мөмкинлеге дә булачак.
(Мөслим, 4 август, «Татар-информ», «Авыл утлары», Лилия Шәймиева). Мөслимдәге «Киләчәк» паркында эш дәвам итә. Биредә оешма-предприятиеләр көче белән төзекләндерү һәм чистарту эшләре алып барыла. Паркка илтүче юлга асфальт түшәлде. 2 меңнән артык машинага исәпләнгән алты парковка эшләнде. Бу турыда район басмасы хәбәр итә.
Парк территориясендә зур һәм кече амфитеатр ясалды. Алар 7 мең кешене сыйдыра ала. Зур сәхнә дә эшләнеп бетте. Сабантуй мәйданында рулонлы газон җәю эше төгәлләнде. Бу эшне, җәйге ялда булуларына карамастан, оешма-предприятие хезмәтчәннәре башкарды. Газонга су махсус автоматлаштырылган газон системасы белән сибеләчәк. Мәйдан территориясенә унышар тонна сыйдырышлы су савытлары урнаштырылган.
«Берничә ел элек монда парк булачак дисәләр, ышанмас идем. «Кояшлы Ык”ка керү урынында биредә башкарылган эшләр турында мәгълүмат язылган стенд урнаштырылды. Аңа карасаң, шаккатасың: су буеннан ничәмә-ничә машина чүп чыгарылган! Ә бүген парк территориясе әкият дөньясына тиң. Бу гүзәллекне бергәләп сакласак иде», — ди Эльза Фатыйхова.
«Киләчәк» паркында сәүдә нокталары эшләнеп бетү алдында. Ат чабышлары уздыру өчен ипподром эшләнде. Биредә 2 меңгә якын утыргыч бар. Кичләрен парк территориясен 2 меңгә якын яктырткыч бизәячәк.
«Киләчәк» паркы чын мәгънәсендә киләчәкне күздә тотып эшләнә. Биредә туйлар, мәҗлесләр үткәрү мөмкинлеге дә булачак. Шул максатны күздә тотып ясалган ике зонада 400 кеше ял итә алачак. Паркта ашханә, туклану нокталарын ясау да төгәлләнү алдында. .
Кызыклы яңалыкларны күзәтеп бару өчен Телеграм-каналга язылыгыз