Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәдәният министрлыгы тамашалар оештыру буенча Роспотребнадзор күрсәтмәләрен көтә
Ирада Әюпова музейларны һәм китапханәләрне ачканда да бик күп бәхәсләр булуын әйтте.
(Казан, 4 июнь, «Татар-информ», Рузилә Мөхәммәтова). Мәдәният министрлыгы бу вазгыятьтә тамашалар оештыру буенча Роспотребнадзорның күрсәтмәләрен көтә. Бүген мәдәният министрының журналистлар белән традицион очрашуы вакытында бу мәсьәләгә Ирада Әюпова ачыклык кертте.
«Әлегә бернинди күрсәтмәләр дә юк. Сентябрьдә ачыла калсак, мин аңарчы хәл нормальләшер һәм без тамашачыны күнегелгән тәртиптә утырта алырбыз дип өметләнәм», — диде ул.
«Музейларны һәм китапханәләрне ачканда да бик күп бәхәсләр булды. Безгә бит транспортта һәм сәүдә залларында тыгызрак урында да аралашырга туры килә. Мин чикләүләр тәртибен бозарга чакырмыйм. Безнең Президентыбыз да акрынлап нормаль тормышка кайту яклы», — диде министр.
Ирада Әюпова мәдәният учреждениеләрендә дә битлек һәм перчатка таләпләре булырга мөмкинлеген искәртте. «Бу бик рәхәт түгел, әмма ияләшергә туры килә. Монда таләпләр беренче чиратта учреждениенең үзенә кагыла — җилләтеп тору, җыештыру, санитайзерлар урнаштыру, оныткан кешеләр өчен перчатка һәм битлек тәкъдим итү», — ди ул.
«Мин кешеләрнең тиз генә килә башлаячагына да шикләнәм. Шуңа күрә бу халәттән чыгуны артык озакка сузмасак яхшы булыр иде. Кеше мәдәният учреждениеләренә йөрү традициясен югалта башламасын», — диде министр.
Ирада Әюпова тамаша заллары гына түгел, өстәмә белем бирү учреждениеләре юнәлешендә дә эшли башларга кирәклеген әйтте. Иртәгә храмнар ачылганын искәртте. «Безгә дә ерак калмастыр», — дип нәтиҗә ясады мәдәният министры.
Кызыклы яңалыкларны күзәтеп бару өчен Телеграм-каналга язылыгыз