Азнакай укучысы Халыкара музыкаль башкару конкурсында икенче дәрәҗә лауреат булды

Бәйгене видеоязмалар буенча Россия һәм Татарстан Мәдәният министрлыклары, Казан дәүләт мәдәният институты оештырган.

(Азнакай, 4 июнь, «Татар-информ», «Маяк», Резеда Шәрипова). Азнакай балалар сәнгать мәктәбе укучысы Рубис Зиатдинов «KAZAN — MUSIC ЙОРТ» Халыкара музыкаль башкару конкурсында икенче дәрәҗә лауреат булды. Бу турыда район басмасы хәбәр итә.

Укучыны бәйгегә укытучысы, Татарстанның атказанган мәдәният хезмәткәре Флюра Әбсәләмова әзерләгән.

Бәйгене видеоязмалар буенча Россия һәм Татарстан Мәдәният министрлыклары, Казан дәүләт мәдәният институты оештырган. Чыгышларны күренекле сәнгать әһелләре бәяләгән.