Казан театр училищесына яңа директор билгеләнде

Кичә Руфина Таҗетдинова училищесы коллективына һәм студентларга тантаналы линейкада тәкъдим ителгән.

(Казан, 3 сентябрь, “Татар-информ”, Рузилә Мөхәммәтова). Казан театр училищесының директоры итеп Руфина Таҗетдинова билгеләнде. Бу мәгълүматны мәдәният министрлыгының матбугат үзәге җитәкчесе Умида Гапарова раслады.

Кичә тантаналы линейкада Руфина Таҗетдинованы театр училищесы коллективына һәс студентларга тәкъдим иткәннәр.

  • Профессор, философия фәннәре докторы, театр белгече Руфина Таҗетдинова Казан дәүләт мәдәният һәм сәнгать институтының Театр факультеты деканы иде. Ул Татарстанның һәм Россиянең халык артисты Ренат Таҗетдиновның кызы.
  • Казан театр училищесын 30 ел дәвамында Гыйлемхан Мөбәрәкшин җитәкләде. Октябрь аенда аңа 65 яшь тула.