Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар скульпторы Әлфиз Сабиров Мәскәүдә үзенең иң яхшы эшләрен күрсәтәчәк
Тамашачылар рәссамның сиксәннән артык иң яхшы эшен (бронза һәм гипстан ясалган сыннар, зәркән бизәнү әйберләре, келәмнәр һ.б.) күрә алачак.
(Казан, 3 август, «Татар-информ»). 4 августтан 3 октябрьгә кадәр Мәскәүнең Дәүләт Көнчыгыш музеенда татар скульпторы Әлфиз Сабировның күргәзмәсе узачак.
Бөтендөнья татар конгрессының матбугат хезмәте хәбәр иткәнчә, тамашачылар рәссамның сиксәннән артык иң яхшы эшен (бронза һәм гипстан ясалган сыннар, зәркән бизәнү әйберләре, келәмнәр һ.б.) күрә алачак.
Рәссам җентекләп әзерләнгән һәм күп кенә образларда чагылдырылган үз мифологиясен булдырган. Бу – аның хыялында туган Аллалар һәм сугышчылар, көнчыгыш принцессалары, хайван-тотемнар дөньясы.
Сәнгать дөньясында кабул ителгән яшь категорияләре буенча Әлфиз Сабировны яшь буынга кертсәләр дә, иҗатының тирәнлеге һәм осталык дәрәҗәсе җитлеккән рәссам турында сөйләргә мөмкинлек бирә. Бүген аның кебекләрне «self-made man» дип атыйлар.
Традицион татар гаиләсендә тәрбияләнгән рәссам табигый рәвештә үткәннәрнең мәдәни рухын үзенә сеңдергән. «Минем иҗатымда милли, космик, борынгы мотивлар һәм образлар күп. Ул борынгы артефактларга – казу эшләре вакытында табылган, кайчандыр йола элементлары булган һәм безнең көннәргә инде кыйпылчыклар яки фрагментлар рәвешендәге сәнгать фактлары буларак килеп җиткән әйберләргә нигезләнгән. Легенда һәм мифларның структур элементларын мин тормыш халәте буларак карыйм», - ди Әлфиз Сабиров.
Кызыклы яңалыкларны күзәтеп бару өчен Телеграм-каналга язылыгыз