Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда «Үзгәреш жиле» фестивалендә «Алтын Казан» мюзиклы премьерасы тәкъдим ителәчәк
Эльмир Низамовның «Алтын Казан» мюзиклы – татар телендәге беренче мюзикл.
(Казан, 2 декабрь, «Татар-информ»). 2020 елның 5 һәм 6 декабрендә «Үзгәреш җиле» V фестивале кысаларында М. Җәлил исемендәге Татар дәүләт академия опера һәм балет театрында сәхнәсендә Эльмир Низамовның «Алтын Казан» мюзиклы премьерасы була. Бу хакта Татарстан Республикасы Мәдәният министрлыгы матбугат хезмәте хәбәр итә.
Эльмир Низамовның «Алтын Казан»ы – татар телендәге һәм Муса Җәлил исемендәге Татар дәүләт академия опера һәм балет театры сәхнәсендә куелган беренче мюзикл. Башта мюзикл консерваториядә композиторның диплом эше буларак язылган иде. «Үзгәреш җиле» фестивале кысаларында спектакльнең яңа редакциясе тәкъдим ителәчәк.
Спектакльгә либреттоны Татарстанның халык шагыйре Ренат Харис язды. Спектакльдә төп партияләрне танылган опера һәм эстрада артистлары Эльмира Кәлимуллина (Аксылу), Филүс Каһиров (Битимер), Алинә Шәрипҗанова (Сихатбану), Артур Исламов (Ханзадә), Айдар Сөләйманов (Нукер), Ирек Фәттахов, Айдар Нургаянов (әкиятчеләр) башкарачак. Мюзикл татар телендә башкарыла, спектакль субтитрлар белән бирелә.
«Үзгәреш җиле» татар җыры фестивале Татарстан Республикасы Президенты Р.Н. Миңнеханов инициативасы белән 2016 елда оештырылды. Проект ел саен М. Җәлил исемендәге Татар дәүләт академия опера һәм балет театры сәхнәсендә уза.
Кызыклы яңалыкларны күзәтеп бару өчен Телеграм-каналга язылыгыз