Татарстан китап нәшрияты Ташкентта китап күргәзмәсендә катнаша

Татарстан китап нәшрияты татар классик прозасының иң яхшы үрнәкләрен, балалар басмаларын, тарихи һәм туган якны өйрәнү әдәбиятын тәкъдим итәчәк.

(Казан, 2 октябрь, “Татар-информ”). 2-4 октябрьдә Ташкентта беренче тапкыр Халыкара китап күргәзмәсе үтәчәк. Анда Татарстан китап нәшрияты да катнашачак. Бу хакта нәшриятның матбугат хезмәте хәбәр итә.

Күргәзмәдә Татарстан китап нәшрияты татар классик прозасының иң яхшы үрнәкләрен, балалар басмаларын, тарихи һәм туган якны өйрәнү әдәбиятын тәкъдим итәчәк.

Ярминкәгә килүчеләр илебез һәм чит ил нәшриятлары продукциясе белән таныша, язучылар, шагыйрьләр, иллюстраторлар белән очраша һәм аралаша, шулай ук тематик семинарларда, тренингларда һәм мастер-классларда катнаша ала.