"Татар-информ" мишәр татарларының "Кәрван мирас" этник тамашасын онлайн күрсәтә

Тамаша 2 ноябрьдә 11:00 сәгатьтә башлана.

(Казан, 1 ноябрь, "Татар-информ"). Иртәгә, 2 ноябрьдә, 11:00 сәгатьтә Габдулла Тукай исемендәге татар дәүләт филармониясендә мишәр татарларының "Кәрван мирас" этник тамашасы булачак.

Тантана Татарстан һәм Чувашстан Республикаларының атказанган мәдәният хезмәткәре, Чувашстан татарлары милли-мәдәни мохтарияте рәисе Фәрит Гыйбатдиновның 60 яшьлек юбилеена багышлана.

Тамашаны "Татар-информ" сайтында онлайн карарга мөмкин.

Карау өчен сылтама: https://tatar-inform.tatar/internet-tv/419/