Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чирмешән районында авыл хуҗалыгы техникаларының кышкы саклауга куелышын тикшерделәр
Чирмешән районында авыл хуҗалыгы предприятиеләренең кайберләрендә техникаларын кышкы саклауга куеп, ремонтлап, механизаторлар үзләре дә ялга китте. Шул ук вакытта әле кыр эшләре бетмәгән хуҗалыклар бар. Аларда көнбагыш суктыруны төгәлләргә кирәк.
«БИО АГРО» җәмгыятенең район үзәгендәге базасында бу көннәрдә хезмәткәрләр эштән бушаган техникаларны язгы кыр кыр эшләренә әзерли. Комбайннарның, тракторларның шактые кышкы саклауга куелган. Ә менә бөртек комбайннарының берничәсенә эш булачак әле. Бу хакта «Безнең Чирмешән» газетасы хәбәр итә.
«Безнең 1200 гектар мәйданнан көнбагыш җыеп аласы калды. Бозлы яңгырлар аркасында аларның «кәрзиннәренә» дым үтте, шунлыктан әлегә суктыра алмыйбыз. Аннан, техникаларны да җимерүебез бар. Шушы көннәрдә бераз җылытса, кырга чыгып карыйбыз, эшләп булмаса - суктыру язга кала, зыян юк, алай да мөмкин», - ди БИО АГРОның райондагы идарәчесе Руслан Хәлиуллин.
Бүген әлеге хуҗалыкта тырмаларны, культиваторларны төзәтәләр. Ремонт эшләрен уңайлы урында алып бару өчен җылы бина ясыйлар. Ул күчереп йөртелә торган булачак.
Шушы көннәрдә Казан дәүләт аграр университеты белгече катнашындагы комиссия «БИО АГРО»дагы техникаларның кышка куелышына һәм техникалар ремонты барышына яхшы бәя бирде, бәйгедә бу хуҗалык икенче урын алды. Ә менә барлык ремонт эшләрен октябрь аенда ук төгәлләгән «ЧИРМЕШӘНАГРО» җәмгыяте – җиңүче.
Кызыклы яңалыкларны күзәтеп бару өчен Телеграм-каналга язылыгыз