news_header_top_970_100
news_header_bot_970_100

Чаллыда балык ашы фестивале үтәчәк

Яңа традициянең башлангычы Чаллы шәһәренең 80 еллыгына багышлана

(Казан, 29 июль, “Татар-информ”, Роза Исмәгыйлова). Балык ашы көнен уздыру 7 нче август – шәһәрнең туган көненә планлаштырылган. Бу хакта “Челнинские известия” хәбәрчеләре хәбәр итә.
Бу бәйрәмгә тагын төзүчеләр көнен дә кушачаклар, шуңа күрә аны “Уха фестивале” дип атарга уйлаганнар да. Бәйрәмне ГЭС бистәсендәге Кыңгырау күпере районында оештырачаклар. Төп катнашучылар буларак җәмәгатьчелек туклануы предприятиеләре, балыкчылар катнашачак. Иң тәмле балык ашы пешерүчеләрне һәм килгән кунакларга әлеге ашны үзенчәлекле формада тәкъдим итүчеләрне, әлбәттә инде, җиңүче итеп билгеләячәкләр.
- Су кырыенда яшәп, мондый бәйрәмнән мәхрүм калу – бер дә дөрес булмас иде, - ди бу уңайдан фестивальне оештыручыларның берсе, Чаллы шәһәре башкарма комитеты җитәкчесе Васыйл Шәйхразиев.
 

news_right_column_1_240_400
news_right_column_2_240_400
Медиаметрикс
news_bot_970_100