news_header_top_970_100
16+
news_header_bot_970_100

Чаллы хастаханәсе баш табибы Удмуртия сәламәтлек саклау министры урынбасары итеп куелды

Чаллының 7нче санлы хастаханәсе баш табибы Александр Поповны Удмуртия сәламәтлек саклау министры урынбасары итеп билгеләделәр. «Татар-информ»га бу хакта автокаланың сәламәтлек саклау идарәсе матбугат хезмәтендә сөйләделәр.

«Удмуртия белән мине иң җылы мөнәсәбәтләр бәйли. Мин Ижау медакадемиясендә укыдым, биредә минем күп кенә курсташларым эшли. Моннан тыш, уку дәверендә мин мондагы медицина берләшмәсенең югары профессионализмына инандым һәм Удмуртиянең Сәламәтлек саклау министрлыгы командасына кушылуыма мин шат», – диде ул.

Хастаханә белән табиб 2017 елдан бирле җитәкчелек итте. Аның җитәкчелегендә анда капиталь ремонт үткәрелде, квалификацияле медицина белгечләрен җәлеп итү буенча эшне көйләделәр, коронавирустан соң һәм онкологиядән соң амбулатор реабилитация бүлеген булдырдылар. ФАП төзелеше тәмамланып килә.

«Җиденче поликлиниканың баш табибы вазифаларын Рөстәм Ханов башкарачак», – дип белдерделәр Чаллы шәһәренең сәламәтлек саклау идарәсендә.

autoscroll_news_right_240_400_1
autoscroll_news_right_240_400_2
news_bot_970_100