Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллы мэры өлешчә мобилизация кысаларында беренче чиратта чакырылучылар турында аңлатты
Чаллы шәһәрендә өлешчә мобилизация кысаларында беренче чиратта 45 яшькә кадәрге солдатлар һәм сержантлар һәм 55 яшькәчә офицерлар чакырылачак. Чаллы Хәрби комиссариаты олы яшьтәге ир-егетләрне дә чакыра, әмма алар хезмәткә алынмаячак. Бу хакта аппарат киңәшмәсендә шәһәр мэры Наил Мәһдиев сөйләде.
Шәһәр башлыгы белдерүенчә, Чаллыда хезмәткә чакырылу Президент Владимир Путин указы нигезендә башкарылачак.
«Указ һәм норматив документларда өлешчә мобилизация буенча хәрби хезмәткә алынучылар турындагы пункт бар. 45 яшькә кадәрге солдат һәм сержантлар, 55 яшькә кадәрге офицерлар хәрби хезмәткә чакырыла. Чакырылыш комиссиясе шушы норматив кысаларында эшләргә тиеш. Хәрби комиссариат 45 һәм 55 яшьтән өлкәнрәкләрне дә чакыра, әмма алар указ буенча хәрби хезмәткә алынмаячак. Хәрби комиссариат эш итә торган критерийлар бар. Чакырылыш комиссиясе дә шулар нигезендә эшләргә тиеш», – дип билгеләде ул.
Наил Мәһдиев сүзләренчә, өлкәнрәк яшьтәге кешеләрне мәгълүматларны чагыштыру өчен һәм хәрби комиссариат эшен киметү өчен, ял көннәрендә генә чакырырга кирәк.
«Без хәрби комиссариатның узган атнада 45 яшьтән өлкәнрәк булган кешеләрне чакырганын күрдек. Моның кирәге юк. Мин шундый бурыч куйдым: мәгълүматларны тикшерү өчен, хәрби хезмәткә алыну яшеннән өлкәнрәкләрне ял көннәрендә чакырырга кирәк. Президент указы кысаларында эшне төгәл оештырырга кирәк», – диде ул.
Кызыклы яңалыкларны күзәтеп бару өчен Телеграм-каналга язылыгыз