news_header_top_970_100
news_header_bot_970_100

Былтыр Татарстанда җәйге балалар лагерьларында ковид очраклары булмаган

«Мәктәп яны һәм шәһәр читендәге лагерьлар эше, коронавирус һәм башка инфекцияләр таралмасын өчен, гел тикшерелеп торды», — дип белдерде Ләйлә Фазлыева.

(Казан, 19 гыйнвар, «Татар-информ», Гөлнар Гарифуллина). Узган елда Татарстанда җәйге балалар лагерьларында ковид очраклары теркәлмәгән.

Татарстан Премьер-министры урынбасары Ләйлә Фазлыева бу хакта Роспотребнадзор федераль хезмәтенең Татарстан буенча идарәсенең коллегия утырышында әйтте.

«Мәктәп яны һәм шәһәр читендәге лагерьлар эше, коронавирус һәм башка инфекцияләр таралмасын өчен, гел тикшерелеп торды. Күмәк эш нәтиҗәсендә, балалар лагерьларына инфекция кертелмәде», — дип белдерде Ләйлә Фазлыева.

Вице-премьер әйтүенчә, бу Роспотребнадзор, Сәламәтлек саклау министрлыгы, муниципаль берәмлекләр һәм лагерь хезмәткәрләренең күмәк эш нәтиҗәсе.

news_right_column_1_240_400
news_right_column_2_240_400
news_bot_970_100