Санкт-Петербургта Татарстан белән сәүдә-икътисади элемтәләрне ныгытучы эшлекле клуб ачылды

Ул Татарстан Республикасы белән хезмәттәшлек итүче сиксәннән артык әгъза - шәһәр һәм өлкәдәге эшкуарларны берләштерә
(Санкт-Петербург, 28 сентябрь, “Татар-информ”, Зәрия Хәсәнова). Санкт-Петербургта эшлекле "ЛенПетроТат" клубы ачылды. Ул Татарстан Республикасы белән хезмәттәшлек итүче сиксәннән артык әгъза - шәһәр һәм өлкәдәге эшкуарларны берләштерә.
Әлеге иҗтимагый оешманың максаты төрле яклап Татарстан Республикасы белән ике яклы сәүдә - икътисади хезмәттәшлеккә ярдәм итү һәм төньяк - көнбатыш төбәктә клуб әгъзалары эшкуарлыгын үстерү. Клуб президенты итеп ААҖ "Татнефть"- нең "Татнефть - АЗС -Көнбатыш " генераль директоры Рәис Яркәев, вице-президенты итеп Татарстан Республикасының Санкт-Петербург һәм Ленинград өлкәсендәге даими вәкиле Шамил Әхмәтшин сайланды.