Спурт банкы кертемчеләренә түләүләрне 12 майдан соңга калмый түли башлаячаклар

Иминият кертемнәре агентлыгы иминият очрагы буенча эшли башлавын белдерә. Банк-агентлар 5 майга кадәр ачыкланачак.

(Казан, 28 апрель, "Татар-информ", Егор Никитин). Спурт банкка карата иминият очрагы эшли башлады, дип хәбәр итә “Иминият кертемнәре агентлыгы” дәүләт корпорациясенең җәмәгатьчелек элемтәләре департаменты. 2017 елның 28 апреленнән вакытлы хакимият билгеләнде, бу функцияне Иминият кертемнәре агентлыгы башкара, дип хәбәр ителә идарә тармагы сайтында.

Иминият кертемнәре агентлыгы идарәсе карары нигезендә 5 майга кадәр сайлап алынган банк-агентлар кертемчеләргә түләүләрне башкарачак. Кертемчеләргә түләүләр 2017елның 12 маеннан соңга калмый түләнә башлаячак.

Искәртеп үтик, 24 апрельдә Спурт банк клиентларына хезмәт күрсәтүне туктатты.