КамАЗ - Россиянең “топ-50” гә кергән иң кыйммәтле брендларыннан

Brand Finance консалтинг компаниясе рейтингта КамАЗны 40нчы урынга урнаштырган.

(Казан, 28 апрель, "Татар-информ"). "КамАЗ" компаниясе иң кыйммәтле брендлар исемлегендә 40нчы урынны яулады. Бу хакта, Brand Finance консалтинг компаниясенә сылтама ясап, заводның матбугат хезмәте хәбәр итә.

Белгечләр сәүдә һәм операцион эшчәнлеккә брендның йогынтысын анализлаган. Билгеле бренд, лояльлек, нәтиҗәлелек, бизнес-модель һәм рекламага инвестицияләр бәяләү нигезе булып алынган.