Дөньяда иң кыйбат сәгать сатылган

Сәгать рекордлы сумма - 17 752 500 долларга сатылган, соңгы бәя башта куелган бәядән 18 тапкырга артып киткән.

(Казан, 27 октябрь, «Татар-информ»). Кино йолдыз һәм автоузышчы Пол Ньюманның Rolex хронографы рекордлы сумма - 17 752 500 долларга сатылган, дип хәбәр итә «Лента.ру» Bloombergка сылтама биреп.

Legendary Watches of the 20th Century аукционына куелган сәгатьнең беренчел бәясе 1 миллион долларга якын булган, ягъни соңгы бәя башта куелганнан 18 тапкырга артып киткән.

Сәүдә 12 минут дәвам иткән, сатып алучының исеме сер булып кала.