Икътисадчы Марат Сафиуллин: Татарстан икътисады кризиска бирешмәячәк

Эксперт фикеренчә, республика икътисады нефть бәяләренә бәйле түгел.

(Казан, 27 март, «Татар-информ», Егор Никитин). Дөньяда нефть бәяләре кимүгә һәм коронавирус эпидемиясе таралуга карамастан, Татарстанга бу катлаулы чорда ныклы икътисады ярдәм итә. Бу хакта Андрей Кузьмин белән әңгәмәдә Татарстан Республикасы Фәннәр академиясе каршындагы Перспективалы икътисади тикшеренүләр үзәге директоры, КФУның икътисади һәм стратегик үсеш мәсьәләләре буенча проректоры Марат Сафиуллин сөйләде.

«Республикада бюджетны тәэмин итү чыганаклары күп. 1990 елларда керем базасының 60 проценттан артыгы Татнефтьхисабына формалаша иде. Хәзер ул өчтән бер өлешен генә тәшкил итә», — диде Сафиуллин.

Эксперт сүзләренчә, республика нефтьне эшкәртеп ясалган продукцияләр җитештерүгә өстенлек бирде, ә аларның бәяләре һәрвакыт тотрыклырак.

«Татарстан моңа кадәр инфраструктураны ныгытуга зур игътибар бирде. Шуңа күрә хәзер без чыгымнарны социаль һәм икътисади программаларга юнәлтә алабыз», — дип аңлатты икътисадчы.