Дәүләт Думасына 2017 елга Пенсия фонды бюджетына үзгәрешләр турындагы тәкъдимнәр кергән

Министрлар Кабинеты Россия пенсия фонды бюджетына төзәтмәләр керткән.

(Казан, 24 октябрь, "Татар-информ"). Министрлар Кабинеты Россия Пенсия фонды бюджетына төзәтмәләр керткән. Бу хакта “Российская газета” хәбәр итә.

Хөкүмәт сайтында басылган тәкъдимнәр нигезендә Милли иминлек фонды хисабына иминиятләштерелгән кешеләрнең пенсия тупланмаларына өстәмә финанслау акчалары күләме киметеләчәк.

2017 елга һәм 2018, 2019 елларга план чорында Пенсия фонды бюджетына үзгәрешләр турындагы тәкъдимнәр Дәүләт Думасына җибәрелгән инде. Үзгәрешләр 2017 елда Пенсия фондына иминият кертеме күләме арту көтелүе белән бәйле.

Моннан тыш, ана капиталын тупланма пенсияләр булдыруга тоту турындагы гаризалар саны кими бара.