Евро курсы 80 сумнан артты

Доллар 70 сум чиген узды

(Мәскәү, 24 август, «Татар-информ», Ольга Пушко). Мәскәү биржасында сәүдә ачылган вакытта евро курсы 80 сумнан артты. Бүген аның бәясе 81 сумны тәшкил итә.

Доллар да 70 сум чиген узды.

Россия илкүләм валютасының курсы нефтькә дөнья бәяләре кимү фонында төшә, алар алты еллык минимумга кадәр кимегән.

Кичә Brent маркалы нефть бәясе 45,02 доллар булган, Техасның WTI нефте 39,85 долларга калган.

Бүген, сатулар башланганда, Азия биржалары индексы түбән тәгәрәде.