Казанда стационар булмаган кибетләрне урнаштыру буенча сәүдә апрельгә билгеләнде

Эшмәкәрләргә сәүдә объектларын урнаштыру хокукы биш елга бирелә.

(Казань, 20 февраль, «Татар-информ», Ольга Голыжбина). Быелның апрелендә Казанның Кулланучылар базары комитеты шәһәр биләмәсендә стационар булмаган сәүдә нокталарын урнаштыру хокукы өчен беренче сәүдәләр оештыра.

Сәүдәгә 539 объектны урнаштыру хокукы куела. Бу хакта бүген шәһәр мэриясенең эшлекле дүшәмбе киңәшмәсендә Казан Башкарма комитеты җитәкчесе урынбасары Иван Кузнецов җиткерде. Эшмәкәрләргә сәүдә объектларын урнаштыру хокукы биш елга бирелә. Башлангыч бәя җир участогының кадастр бәясенә бәйле булачак.