Ел башыннан алып Татарстанда авыл кибетләренә 535 млн. сумлык азык-төлек җибәрелгән

  (Казан, 19 май, «Татар-информ», Ирина Игнатьева). Ел башыннан алып Татарстан авыллары кибетләренә, Татпотребсоюз цехларында җитештерелгән 535 млн сумлык азык-төлек җибәрелгән. Бу узган елгының 128 проценты кадәр тәшкил итә.

Бу хакта “Татар-информ” агентлыгы хәбәрчесенә предприятиедә белдерделәр.

Авылда яшәүчеләр өчен 7039 тонна икмәк-күмәч эшләнмәләре җитештерелгән, анысы былтыргының 79 проценты күләмендә, казылык – 114 (72 процент), кондитер эшләнмәләре - 476 тонна (75 процент), токамач - 717 тонна (88 процент), алкогольсез эчемлекләр – 70,5 декалитр (116 процент).

Район кулланучылар берлеге цехларында 117 тонна балык эшкәртелгән.